ಗುರುತ್ವಾಕರ್ಷಣ ಬಲದ ಬಗ್ಗೆ ಮಾಹಿತಿ | Information about the force of gravity in Kannada

ಗುರುತ್ವಾಕರ್ಷಣ ಬಲದ ಬಗ್ಗೆ ಮಾಹಿತಿ Information about the force of gravity Gurutvakarshana Balada bagge Mahithi in Kannada

ಗುರುತ್ವಾಕರ್ಷಣ ಬಲದ ಬಗ್ಗೆ ಮಾಹಿತಿ

ಈ ಲೇಖನಿಯಲ್ಲಿ ಗುರುತ್ವಾಕರ್ಷಣ ಬಲದ ಬಗ್ಗೆ ಸಂಪೂರ್ಣವಾದ ಮಾಹಿತಿಯನ್ನು ನಮ್ಮ post ನಲ್ಲಿ ನೀಡಲಾಗಿದೆ.

ಗುರುತ್ವ :

• ಯಾವುದೇ ವಸ್ತುವನ್ನು ಮೇಲಕ್ಕೆ ಎಸೆದಾಗ ಕೆಳಗೆ ಬರುತ್ತದೆ. ಇದಕ್ಕೆ ಕಾರಣ ಭೂಮಿಯ ಗುರುತ್ವ ಬಲ.
• ಗುರುತ್ವ ವೇಗೋತ್ಕರ್ಷ – ಗುರುತ್ವ ಬಲದಿಂದ ಕಾಯಗಳು ಗಳಿಸಿಕೊಳ್ಳುವ ವೇಗೋತ್ಕರ್ಷವನ್ನು ಗುರುತ್ವ ವೇಗೋತ್ಕರ್ಷ ಎನ್ನುವರು.
• ಒಂದು ಕಾಯವು ಭೂ ಕೇಂದ್ರದಿಂದ ಮೇಲಕ್ಕೆ ಚಲಿಸುತ್ತಿದ್ದರೆ ಆಗ g= -9.8m/sec² ಬೆಲೆಯನ್ನು ತೆಗೆದುಕೊಳ್ಳಬೇಕು.
• ಒಂದು ಕಾಯವು ಮೇಲಿನಿಂದ ಭೂಮಿಯ ಕೇಂದ್ರದ ಕಡೆಗೆ ಆಗಮಿಸುತ್ತಿದ್ದ ಆಗ g=9.8m/sec² ಬೆಲೆಯನ್ನು ತೆಗೆದುಕೊಳ್ಳಬೇಕು.
• ಭೂಮಿಯ ಗುರುತ್ವ ವೇಗೋತ್ಕರ್ಷವು 9.8m/sec ಆಗಿದೆ.
• ಭೂಮಿಯ ಗುರುತ್ವ ವೇಗೋತ್ಕರ್ಷ ಯಾವುದೇ ವಸ್ತುವಿನ ರಾಶಿಯನ್ನು ಅವಲಂಬಿಸಿಲ್ಲ ಎಂದು ಹೇಳಿದ ವಿಜ್ಞಾನಿ ಗೆಲಿಲಿಯೋ ಗೆಲಲಿ.
• ಭೂಮಿಯ ಗುರುತ್ವ ಬಲವು ಭೂಮಿಯ ದ್ರವ್ಯರಾಶಿ ಮತ್ತು ಭೂ ಕೇಂದ್ರದಿಂದ ವಸ್ತುವಿಗೆ ಇರುವ ದೂರವನ್ನು ಅವಲಂಬಿಸಿದೆ.
• ಒಂದು ವಸ್ತುವಿನ ತೂಕವು ಸ್ಥಳದಿಂದ ಸ್ಥಳಕ್ಕೆ ಬದಲಾಗುತ್ತದೆ. ಆದರೆ ವಸ್ತುವಿನ ರಾಶಿಯು ಎಲ್ಲ ಸ್ಥಳದಲ್ಲಿಯೂ ಸಮನಾಗಿರುತ್ತದೆ.

ವಿಶ್ವವ್ಯಾಪಿ ಗುರುತ್ವ ನಿಯಮ :

• ವಿಶ್ವವ್ಯಾಪಿ ಗುರುತ್ವ ನಿಯಮವನ್ನು ಪ್ರತಿಪಾದಿಸಿದವರು – ಸರ್‌ ಐಸಾಕ್‌ ನ್ಯೂಟನ್‌
• ವಿಶ್ವವ್ಯಾಪಿ ಗುರುತ್ವ ನಿಯಮವೆಂದರೆ ವಿಶ್ವದಲ್ಲಿನ ಪ್ರತಿಯೊಂದು ಕಣವು ಇತರೆ ಕಣವನ್ನು ಆಕರ್ಷಿಸುತ್ತದೆ. ಈ ಆಕರ್ಷಣಾ ಬಲ ಕಣಗಳ ರಾಶಿಯ ಗುಣಲಬ್ದಕ್ಕೆ ನೇರ ಅನುಪಾತದಲ್ಲಿಯೂ ಮತ್ತು ಅವುಗಳ ನಡುವಣ ದೂರದ ವರ್ಗಕ್ಕೆ ವಿಲೋಮ ಅನುಪಾತದಲ್ಲಿಯೂ ಇರುತ್ತದೆ.
• ವಿಶ್ವವ್ಯಾಪಿ ಗುರುತ್ವ ಬಲವು ಯಾವುದೇ ವಸ್ತುವಿನ ಸ್ಥಿತಿಯನ್ನಾಗಲಿ ಯಾವುದೇ ಮಾಧ್ಯಮವನ್ನಾಗಲಿ ಅವಲಂಬಿಸಿಲ್ಲ.‌ ಬೃಹತ್ ರಾಶಿಯ ಕಾಯಗಳಿಗೂ ಮತ್ತು ಚಿಕ್ಕ ಗಾತ್ರದ ಕಾಯಗಳ ಮೇಲೆ ವರ್ತಿಸುವ ಬಲ ಒಂದೆ ಆಗಿರುತ್ತದೆ.

ತೂಕ :

ಭೂಮಿಯ ಮೇಲೆ ನಾವು ನಿಂತಿರುವಾಗ ಒಂದು ಬಲವನ್ನು ಪ್ರಯೋಗಿಸಲಾಗಿ ಭೂಮಿಯು ಸಹ ಅದಕ್ಕೆ ಸಮ ಮತ್ತು ವಿರುದ್ದವಾದ ಬಲದಿಂದ ಪ್ರತಿಕ್ರಿಯಿಸುತ್ತದೆ. ಈ ಪ್ರತಿಕ್ರಿಯೆಯನ್ನು ತೂಕ ಎಂದು ಕರೆಯುವರು.

ತೂಕ ರಹಿತ ಸ್ಥಿತಿ :

• ಭೂಮಿಯನ್ನು ಸುತ್ತುತ್ತಿರುವ ವ್ಯೂಮ ನೌಕೆಯ ಮೇಲೆ ವರ್ತಿಸುವ ಗುರುತ್ವ ಬಲವು ಕೇಂದ್ರಾಭಿಮುಖ ಬಲವಾಗಿರುವುದರಿಂದ ನೌಕೆಯಲ್ಲಿರುವ ವ್ಯಕ್ತಿಗೆ ಪ್ರತಿಕ್ರಿಯಾ ಬಲ ಇರುವುದಿಲ್ಲ. ಅರ್ಥಾತ್‌ ಸೊನ್ನೆ ಪ್ರತಿಕ್ರಿಯಾ ಬಲವನ್ನು ಅನುಭವಿಸುತ್ತಾನೆ ಈ ಪ್ರತಿಕ್ರಿಯೆಯನ್ನು ತೂಕ ರಹಿತ ಸ್ಥಿತಿ ಎಂದು ಕರೆಯುವರು.
• ದೈತ್ಯ ಚಕ್ರದಲ್ಲಿ ಸುತ್ತುತ್ತಿರುವ ವ್ಯಕ್ತಿಯು ಈ ಸ್ಥಿತಿಯನ್ನು ಅನುಭವಿಸುತ್ತಾರೆ.
• ಲಿಪ್ಟನಿಂದ ಕೆಳಗೆ ಇಳಿಯುತ್ತಿರುವ ವ್ಯಕ್ತಿಯು ಈ ಸ್ಥಿತಿಯನ್ನು ಅನುಭವಿಸುತ್ತಾನೆ.
• ಭೂಮಿಯನ್ನು ಸುತ್ತುತ್ತಿರುವ ವ್ಯೂಮ ನೌಕೆಯಲ್ಲಿ ಕುಳಿತಿರುವ ಗಗನ ಯಾತ್ರಿಕ ಈ ಸ್ಥಿತಿಯನ್ನು ಅನುಭವಿಸುತ್ತಾನೆ.

ಸೂರ್ಯನ ಸುತ್ತ ಗ್ರಹಗಳ ಚಲನೆ :

• ಸೂರ್ಯನ ಸುತ್ತ ಗ್ರಹಗಳ ಚಲನೆಯ ನಿಯಮಗಳನ್ನು ಪ್ರತಿಪಾದಿಸಿದ ವಿಜ್ಞಾನಿ ಜೋಹಾನ್ಸ್‌ ಕೆಪ್ಲರ್‌, ಹಾಗಾಗಿ ಈ ನಿಯಮಗಳಿಗೆ ಕೆಪ್ಲರ್‌ ಚಲನೆಯ ನಿಯಮಗಳು ಎಂದು ಕರೆಯುವರು.
• ಈ ಚಲನೆಯ ನಿಯಮಗಳು ಟೈಕೋಬ್ರಾಹೆ ಎಂಬ ಖಗೋಳ ವಿಜ್ಞಾನಿಯು ಅಸ್ಪಷ್ಟವಾಗಿ ಪ್ರತಿಪಾದಿಸಿದ ನಿಯಮಗಳ ಮೇಲೆ ಅಥವಾ ವೀಕ್ಷಣಾ ವರದಿಯ ಮೇಲೆ ಆಧಾರಿತವಾಗಿವೆ.

ಕೆಪ್ಲರನ ಒಂದನೇ ನಿಯಮ : ಸೂರ್ಯನು ಕೇಂದ್ರದಲ್ಲಿದ್ದು ಸೂರ್ಯನ ಸುತ್ತಲೂ ಎಲಿಪ್ಸಿಯ ಕಕ್ಷೆಗಳಲ್ಲಿ ಗ್ರಹಗಳು ಸೂರ್ಯನನ್ನು ಸುತ್ತುತ್ತವೆ.

ಕೆಪ್ಲರನ ಎರಡನೇ ನಿಯಮ : ಸೂರ್ಯನಿಂದ ಗ್ರಹಕ್ಕೆ ಎಳೆದಿರುವ ಕಲ್ಪನಾ ರೇಖೆಯು ಸಮಾನ ಕಾಲಾವಧಿಯಲ್ಲಿ ಸಮಾನ ದೂರವನ್ನು ಕ್ರಮಿಸುವಂತೆ ಗ್ರಹಗಳು ಸೂರ್ಯವನ್ನು ಸುತ್ತುತ್ತವೆ.

ಕೆಪ್ಲರನ ಮೂರನೇ ನಿಯಮ : ಸೂರ್ಯನಿಂದ ಗ್ರಹಕ್ಕೆ ಎಳೆದಿರುವ ದೂರದ ಘನವು ಆ ಗ್ರಹದ ಪರಿಭ್ರಮಣಾ ಅವಧಿಯ ವರ್ಗಕ್ಕೆ ಅನುಪಾತೀಯವಾಗಿರುತ್ತದೆ.

ಗುರುತ್ವ ಬಲದಿಂದ ವಿವರಿಸಲ್ಪಟ್ಟ ಅಂಶಗಳು :

• ಭೂಮಿ, ನಮ್ಮನ್ನು ಬಂದಿಸಿರುವ ಬಲ ಗುರುತ್ವ ಬಲ
• ಭೂಮಿಯ ಸುತ್ತ ಚಂದ್ರನ ಚಲನೆ
• ಕೆಪ್ಲರನ ಚಲನೆಯ 3ನೇ ನಿಯಮವನ್ನು ಉಪಯೋಗಿಸಿಕೊಂಡು ಸೂರ್ಯನಿಂದ ಗ್ರಹಕ್ಕೆ ಇರುವ ದೂರ ಮತ್ತು ಒಂದು ಗ್ರಹದ ಪರಿಭ್ರಮಣ ಅವಧಿಯನ್ನು ಕಂಡು ಹಿಡಿಯಬಹುದು.

FAQ :

ಇತರೆ ವಿಷಯಗಳು :

ಆಹಾರದ ಘಟಕಗಳ ಬಗ್ಗೆ ಮಾಹಿತಿ

ಉದ್ಯಮಗಾರಿಕೆ ಬಗ್ಗೆ ಮಾಹಿತಿ